اسكربيت مدبرة
انت في الصفحة 1 من 5 صفحات
سكريبت بقلمي هاجر نورالدين
سمعت صوته بالليل وأنا نايمة وهو بيكلم واحدة في التليفون إترعبت من الفكرة وقومت بهدوء عشان أشوف لو فعلا بيكلم واحدة عليا لاقيته واقف في البلكونة وبيتكلم بصوت واطي إستخبيت وفضلت أسمعه وكانت دموعي بتنزل زي الشلال وقلبي كان إتكسر سمعته بيقولها
_لأ هي نايمة دلوقتي هكلمك براحتي
يعني زياد أنا دا إحنا بقالنا شهرين بس متجوزين وعن حب 3 سنين كمان طيب إزاي وليه أصلا قلبي كان محروق ومش عارفة هعمل إي بس قررت أأجل االمواجهة دلوقتي عشان أعرف هعمل إي أول ما سمعت صوته جاي على الأوضة بعد شوية عملت نفسي نايمة بسرعة وأنا بمسح دموعي اللي على خدي حط التليفون بتاعه جنبه على الكوميدينو ونام وقرب مني وحضنني إزاي قادر يكون بالشكل دا بجد إزاي يبقى وفي نفس الوقت ييجي يحضنني ويحسسني إنه بيحبني كدا فجأة الحضن اللي كنت بحبه ببيت قرفانة منه وأول ما نام بعدت عنه وقومت عشان أحاول أفتح التليفون وأشوفه بيكلم مين بس معرفتش أفتحه روحت نمت وأنا بعيط لحد ما الصبح يطلع تاني يوم صحيت قبله وكلمت منال صاحبتي وقولتلها تجيلي بعد ما جوزي ينزل عشان عايزاها في موضوع مهم بعدها زياد صحي وكان مبتسم ليا وقال
بصيتله ومردتش عليه بجد مكنتش قادرة أرد عليه قلبي كان بيغلي حبيبتي اللي قالهالي قالهالها إمبارح برضوا إتكلم تاني بإستغراب
_في إي مالك يافريدة في حاجة مزعلاكي.
رديت عليه وأنا بحضر الفطار
لأ مفيش زهقانة بس شوية.
إبتسم وقال
_ميهونش عليا أسيبك زهقانة كدا إن شاء الله أول ما آخد أجازة هخرجكك على طول وأغير من نفسيتك عندي كام فريدة أنا.
_وحشتيني أوي بقالك كتير مش بتيجي لازم أقولك تيجي يعني.
إبتسمت وقالتلي
ياحبيبتي وإنتي كمان وحشتيني والله بس إنتي عارفة الشغل والدنيا المهم إي الموضوع اللي كنتي عايزاني فيه?
_جوزي يامنال.
وقالت
إي إزاي يعني
رديت وقولت
_مش عارفة بس أنا سمعته بالليل بيتكلم في التليفون حاولت أفتح التليفون أشوف بس معرفتش أفتحه.
ردت عليا بهدوء وقالت
يمكن سمعتي غلط ولا حاجة يافريدة.
_بقولك سمعته بوداني أنا متأكدة من اللي سمعته.
سكتت شوية وبعدين قالتلي
طيب بصي أكيد كش هتقوليله وتخربي بيتك يعني إهتمي بيه كدا وخليه ينسى دي مش دا اللي صدعتي دماغنا بيه عشان بتحبيه وتتجوزيه.
_وأهو دلوقتي مش هقدر أعمل كدا يامنال أنا مش طايقة أبص في وشه والله.
عدلت قعدتها وبصتلي وقالت
بصي ومتبقيش خايبة كدا إنقذي بيتك ومتواجههوش وتخربي بيتك بإيدك هو كدا كدا بيحبك إنتي وإتجوزك إنتي إكسبيه إنتي كدا وهو مش هيكلمها تاني.
بصيتلها بإستغراب وقولت
_يا منال بقولك بيخونني تقوليلي إكسبيه وبعدين أنا مش مقصرة معاه في حاجة ومبقالناش كتير متجوزين كمان يعني عشان يلحق يزهق مني.
أنا عايزة مصلحتك ومش عايزاكي تتطلقي وإنتي صغيرة كدا وزي ما قولتلك هي نزوة إنتي بس نسيه التانية دي وهو هيرجعلك تاني وبعدين دا
كلام في التليفون بس يعني نلحق الوضع.
بصيتلها بتفكير وأنا مترددة ومش عارفة أعمل إي تليفونها رن وكان قدامي على التربيزة مسكته عشان أديهولها
بصيتلها بإستغراب
هاجر_نورالدين
خيانة_مدبرة
يتبع
لو
