مينفعش تجيب ممرضه بنت

عرفو انو معايا ممكن يأذوني رميت التليفون فالشارع عشان حد ياخدو كأنه لقاه مرمي وانا بقي هتعامل عادي جدآ وكأني مفيش اي حاجه يمكن تحصل حاجه تكشفهوملي...
رحت لسالي تاني عشان ابات هناك منا معرفش حد غيرها...
طلعت عشان ارتاح وانام...
وانا نايمه حلمت حلم غريب اوي حلمت ان سالي بتكلم الولد الي كان بيراقبني بتقوله تعلالي دلوقتي حالا انا خلاص خدرتها وجاهزه للعمليه انا كشفت الاول وعرفت ان كل اجهزتها سليمه

قمت من النوم مفزوعه علي جرس الباب...
_ عامله ايه
_ الحمد لله ياسالي بس تعبانه شويه ممكن تسيبيني ارتاح
_ طبعا اتفضلي..
ياترا ياسالي انتي وراكي ايه ولا عقلي الباطل هو الي هيألي انك ممكن تأذيني كده بدافع انك ممرضه وممكن تشتغلي في تجارة الاعضاء ربنا يستر...
فضلت قافله علي نفسي يومين...
بتطلع تعد معايا شويه وتنزل تاني وتجيبلي اكل وتقولي لو مصدعه قوليلي اجبلك حبايه..
انا لحد دلوقتي ما مسكتش عليها حاجه بس انا باخد احتياطي...
_ انتي بقالك يومين منزلتيش يعني هو في حاجه
_ لا بس تعبانه شويه انا عارفه اني متقله عليكي انا متأسفه جدا..
_ متقوليش كده احنا زي الاخوات بظبط
_ طيب استأذنك انا ادخل انام...
_ اتفضلي طبعا تصبحي علي خير انا نازله
_ وانتي من اهلو...
دخلت نمت وهي نزلت...وحلمت بنفس الکابوس تاني
وفجأه صحيت مفزوعه شربت ميه ولقيت النهار طلع
قلت اروح السجل المدني اشوف الاخبار ولقيت نفس الشخص ماشي ورايا مكنش قدامي خيار غير اني اصوت وألم عليه الناس واقول انو عاوز يسرقني
وبالفعل الناس اتلمت عليه...
وعرفت اهرب منه وطلعت عالسجل المدني...
وهناك طلبت تاني اني ادخل للمدير...
دخلوني بسرعه...
لقيته بيقولي..
_ حضرتك فين انا دايخ عليكي من امبارح...
_ حضرتك قولتلي اني اجيلك بعد تلت ايام..
ها قدرت توصل لحاجه...
انا خلاص عرفت انتي مين وايه الي حصلك كله..
_ بجد انا مين بالله عليك بسرعه
_انتي...............
انتي إيناس البيومي بنت اكبر مستورد في مصر والدك اټوفي من حوالي سنتين وشهر وورثتي عنه ثروه كبيرة جدا بس للأسف عملتي حاډثه بعديها بشهر من وفاه والدك والي ظاهر عندي هنا انك مېته وشهادة وفاتك اهي....
_ طيب قولي هو انا عندي اولاد ومتجوزه ولا لا..
_ ايوة متجوزه بس معندكيش اولاد...
ودا العنوان الي قاعد في جوزك...
_ طيب ممكن طلب اخير...
ارجوك متحكيش لأي حد علي الموضوع ده انا عاوزه اشوف رد فعل جوزي لما يعرف اني لسه عايشه
_ اتطمني خالص انا مشفتش حضرتك واعتبريني مقبلتكيش..
خدت العنوان زي المجنونه وطلعت اجري اترمي في حضڼ جوزي اكيد بيدور عليا بقاله سنتين....
وصلت للعنوان فيلا ضخمه شبه القصر طلعت اجري زي الهبله...
ايه دا انا شفت واحده داخله قبلي دي سالي ايوة والله سالي ايه الي جابها هنا...
استخبيت بسرعه احسن تاخد بالها مني وفضلت مستنيه شويه لقيت الراجل الي كان بيراقبني دخل وراها
بعدين بقي فالحيرة دي هما مين دول وايه علاقتهم بجوزي...
فجأه
لقيت فوشي واحد وقفني.....
قلبي اتقبض...
_ انتي مين يا ست انتي...
_ انا.....
_ ست ايناس انتي عايشه ازاي...
_ انت تعرفني
_ طبعا يا ست ايناس انا غفير الفيلا بتاعه والدك الله يرحمه دي
_ هي دي فيلا بتاعه بابا
_ ايوة ياست هانم وجوزك ورثها عنك الله ينتقم منه
_ انت اسمك ايه الاول...
_ اسمي عم عبده
_ طيب ياعم عبده ممكن تحكيلي الي حصل من ساعه ما عرفت اني مت بالتفصيل انا بس من اثر الحاډثه نسيت حاجات كتير...
واوعي تقول لحد انك شفتني هنا خالص وانا هراضيك بس اعرف الاول...
_ ست ايناس انتي من ساعه ما والدك اټوفي وحالتك النفسيه بقت فالنازل علي طول قاعدة لوحدك....
بصي تعالي نكمل كلامنا جوه فالاوضه بتاعتي احسن حد يشوفنا من الناس الي جوه مع البيه دول...
_ هما مين دول ياعم عبده...
_ معرفش دول علي طول بيجولو من ساعه ما وصلنا خبر موتك...
انا ماليش اني اسأل احسن اتطرد من اكل عيشي ودا راجل مفتري مبيهمهوش حد.....
يوم الحاډثه البيه كان متخانق معاكي وانتي خرجتي تجري بعربيتك فنفس اليوم جالنا خبر وفاتك وعملك عزا وورث كل فلوسك دي ومكملش اسبوع ولقيناه اتجوز وعمل فرح ولا كأن في حاجه مع ان الي زيك يتزعل عليه العمر كله....
_ انا مش فاكرة اي حاجه ياعم عبده...
ممكن اطلب منك طلب
_ اطلبي طبعا دانتي بنت الغالي
_ ممكن متقولش لحد انك شفتني هنا...
_ طبعا يا ست ايناس....
_ وعاوزاك تساعدني اسمعهم بيقولو ايه...
_ بصي اوضه المكتب الي هما قاعدين فيها دي شباكها بيبقي مفتوح اقفي تحتيه واسمعي الصوت بيبقي واضح
وانا هقف بره الباب اراقبلك الجو لو حد جاي هشاورلك...
رحت تحت الشباك عشان اسمع...
_ متقلقش خالص يا باشا انا خلاص قربت اجننها حبوب الهلوسه الي بديهالها خليتها اټجننت خالص وبيجلها تهيؤات.
_ وانت يا خرع ازاي تخليها تلم عليك الناس وتضربك..
_ وانا اعرف منين انها هتعمل كده يا باشا دي طلعت مفتريه اوي...
_ لو ايناس وصلت ل هنا كل الي انتو فيه دا مش هيبقي موجود وكلنا هنترمي فالشارع...
_ مقدرتش استحمل الكلام وغبائي خلاني اعلي صوتي وادخله
عم عبده حاول يمنعني كتير بس شيطاني سيطر عليا وخلاني ادخل الاوضه..
_ انت بتقول ايه
_ انتي مين وجيتي هنا ازاي احنا منعرفكيش....
_ انا بقي عرفاكم واحد واحد وافتكرت كل حاجه وهدفعكم تمن الي عملتوه فيا غالي اوي...
_ فوقي يا ماما انتي دلوقتي في حكم المېته يعني لو موتناكي ودفناكي دلوقتي محدش هيعرفلك اي طريق لانك بالفعل مېته ومدفونه وشهادة وفاتك معايا هنا...
_ وانتي يا سالي يا اخت يامخلصه عملت فيكي ايه عشان تعملي معايا كده...
_ سالي دي بت غلبانه ادتها قرشين وخليتها تتابع حالتك فالمستشفي وطلبت منها تموتك كتير وكانت بتقول ان مبيجلهاش فرصه تموتك...
وهي برضو الي اديتك حبوب الهلوسه علي انها حبوب صداع وبالنسبه للبنت الصغيرة الي طلعتلك دي كانت بنت اختها وهي طلعتلك بعدها وخبت الاكل وانتي بتجيبلها ميه تشرب عشان تجننك ب أمر مني وبالنسبه بقي للعيل الخرع دا انا برضه الي جبته عشان يراقبك ويقولي تحركاتك بس طلعتي اذكي منه وقدرتي توصلي بس للأسف انتي جيتي لقدرك...
_ طب ليه عملت فيا كدا...
ايوة انا حاولت اقټلك وسايبتلك فرامل العربيه كان عندي امل انك ټموتي بس انتي زي القطط بسبع ارواح كل الي فلحاډثه م١تو الا انتي...
لما عملتي الحاډثه كان في ناس مراقبينك دخلو العربيه خدو تليفونك وبطاقتك ورخص العربيه وبكده بقيتي واحده مجهوله بلا هويه...
_ قولي ايه الذنب الي عملتو عشان كل دا
_ ذمبك انك علي طول كنتي بتحسسيني اني اقل منك...
لما باباكي م١ت قلت فرصه اخلص منها واورث وكل حاجه تبقي بتاعتي....
_ بس كذبك دا مش هيدوم...
_ هيدوم وهتشوفى
راح ضاربني بحاجه علي دماغي وفقدت الوعي محستش ب اي حاجه....
لسه بفتح عيني لقيت ناس كتير حواليا انا فيين...
_ كلمو الدكتور بسرعه المريضه فاقت
_ الو ايوة يا دكتور المريضه الي كانت في غيبوبه من سنتين فاقت وفتحت عنيها....
_ انتي اتعرضتي لحاډثه من سنتين وكنتي مېته اكلينكيا واتكتبلك عمر جديد...
_ انا مبسوطه اوي اني شفتك مفتحه عنيكي انا سالي الممرضه الي كنت بتابع حالتك من سنتين....
_ دي معجزه المريضه فاقت من الغيبوبه...
_ انتي مبترديش علينا ليه
نفس الي حصل ونفس الاشخاص ونفس المكان بس النهاية مش هتكون واحده المرة دي انا الي هحدد النهاية بنفسي....
تعديل بالنسبه للنهايه انا حبيتها تكون مفتوحه هي اصلا مفاقتش من الغيبوبه وكل دا كان حلم ولما فاقت لقت نفس الاشخاص والمكان بس هي قررت تغير نهايه الکابوس والمفروض انها هتنتقم من جوزها ومش هتسيبو ېموتها
تعديل تاني ناس كتير عاوزين جزء تاني يا جماعه انا مش شيفالها نهاية غير كده بصراحه وعشان متزعلوش هكتبلكم كلمتين هنا....
خرجت من المستشفي وجابت سکينه وغزت جوزها وم١ت واڼتحرت .
تمت