حب اجباري

بلهفه ..يعني ابتديت تحبني
ريان قال بسرعه..حيلك حيلك..متتأمليش ..ده مجرد احساس وانا بس قولت احكيلك
نغم غمزتلو وقالت..على العموم بكره يكبر الاحساس.. ونجيب احمد والياس
ريان ضحك من قلبو على جنانها وقال..احمد والياس دول مستحيل اخليكي امهم..متحلميش
خلصو اكل وبقم يتمشو سوا وكانت نغم مبسوطه جدا بوجودها معاه بقت تحكيلو عن كل حياتها وتبصلو بحب شديد..كان بيجبر ريان انو يستسلم لسحر عيونها
تاني يوم كانو سوا بيلعبو افلام ...وبقت نغم تمثلو شويه حركات ريان فهمها وقال بسرعه..حبك ڼار
نغم قالت بدلال ..اه والله ڼار
ريان ضحك وقال..الفيلم ..انا بتكلم عن الفيلم اسمو حبك ڼار

نغم ابتسمت وقالت..وانا كمان بتكلم عن الفيلم
ريان لسه هيرد اتفاجأو بامام ضړب الباب برجلو ودخل
.
نغم وريان اتخضو وامام قال..انتي فاكره هتعرفي تهربي مني ده انا اجيبك من تحت الارض يا بت ومسكها من شعرها وقال انتي بتاعتي فاهمه ولا..لا بتاعتي انا وبس
ريان قرب منو وشدها وراها وقال پغضب.. اياك ټلمسها تاني فاهم
نغم استخبت فيه جامد وامام رفع ايده هيضرب ريان بس ريان زقو وضړبو بوكس قوي وقع على الارض
امام وقف بتعب واشتبك مع ريان وكانو بيضربو بعض بعد كده امام بقى يخنق ريان قامت نغم مسكت القله وضړبتو بيها على دماغو كسرتها عليه ووقع على الارض
ريان قال پخوف..ايه ده.. قتلتيه
نغم قالت ...قټلتو ايه بس دققتين وهيفوق يلا نهرب بسرعه وطلعو سوا جري وبقم يدخلو من شارع لشارع ودخلو غابه مليانه اشجار وقعدو تحت واحده منهم يرتاحو
ريان قال وهو بينهج بتعب ..ده ايه الحيوان ده..يقرباك ايه
نغم قالت ..عايز يتجوزني
ريان اتضايق لما قالت كده ومش عارف السبب قال ايه..تتجوزي ده
نغم حست انو اضايق قالت .. اهو موجود..لو معرفتش اوقعك هو واقع وجاهز
ريان قال ...اه..مأمنه نفسك يعني..على فكره انا شايف انو ميستهالش واحده زيك ابدا
نغم بصت في عيونه وقالت..امال مين يستاهلني
ريان ارتبك وقال ..حد...حد يكون يقدر جمالك..ورقتك..و...و
نغم قالت...و ايه...ريان لسه هيكمل تليفونها رن.. نغم بصت للرقم بضيق و قالت..ايه الرقم ده معرفوش
ريان اول ما شافو وقف بفرحه وقال..دي هايدي ..ورد بسرعه وقال..ايوه يا حببتي
ريان بعد عن نغم وبقى يكلمها ونغم بلعت ريقعا بحزن واتنهدت وبقت ترسم على الأرض بملل وهيه حاطه ايدها على خدها بحزن
بعد شويه جيه ريان وقال بابتسامه..الحمد لله صدقتني اخيرا..كانت بتصالحني
نغم قالت پخنقه...امم...بجد مبروك
ريان بص لملامح الحزن الي على وشها واتنهد بابتسماه جميله وقال..زعلتي
نغم الدموع كانت في عيونها قالت .وهزعل ليه..ربنا يهنيكم
ريان ضحك بخفه وقال...على فكره بقى
..انتي بنت مفيش منك والله...بس ياريت كنت اعرفك قبل كده..او بطريقه غير دي ..يمكن كان وقتها هيبقى الشعور مختلف..فهماني
نغم اتنهدت وقالت..فهماك..عايز تخلع بذوق
ريان ضحك ..وقال اخلع...طب انا الغلطان اني بكلمك اصلا
نغم قالت بحزن..هيه. .هيه خطبتك احلى مني
ريان بصلها وبقى يفتكر هايدي رغم انها جميله لاكن مكانتش تتقارن بنغم ..نغم كان فيها سحر خاص مش موجود عند هايدي ابدا ..اتنهد وقال...لا...مش احلى منك ..بالعكس من ناحية الجمال انتي اجمل بكتير
نغم قالت بدموع...طب بتحبها ليه
ريان ابتسم وقال مينفعش نسأل حد بتحب فلان ليه
نغم نزلت دموعها وقالت..معاك حق انا كمان بحبك من غير اسباب ومش عارفه انساك مش قادره
نغم قالت كده ولسه هتمشي وقفها وقال...ارجوكي كفايه دموع...بتتعبيني بجد..مش عايز اكون انا السبب في وجعك مبقتش اقدر والله
نغم بقت تبكي جامد وقالت..انت ملكش ذمب انا الي غلطانه
ريان قال..هتنسي يانغم هتنسيني وتعيشي حياتك..يمكن يجي يوم متفتكريش اسمي حتى
ريان لما قال الجمله دي حس بۏجع في قلبو وقال.. في نفسو معقوله يجي يوم وتنسيني يا نغم
نفم مسحت دموعها وقالت بمرح..متخافش عمري ما هنساك اصلا مش هتجوز غيرك
ريان ضحك وهز راسو بيأس وقال...مفيش فايده .ربنا يهديكي
نغم لقتو كل شويه يبص للساعه قالت..هو فيه ايه بتبص في الساعه ليه كل شويه
ريان بصلهاوقال...اتأخرت قوي قالت نص ساعه وهتوصل
نغم استغربت وقالت..هيه مين
ريان قال..هايدي قالتلي عايزه تقابلني واشرح لها الي حصل
بس نغم وقفت بخضه وقالت..يخربيتك وادتها العنوان
ريان قال..اه فيها ايه دي
نغم قالت فيها ايه..يخربيت هبلك دي هتبلغ عنك قوم نمشي من هنا بسرعه
ريان قال بضيق..يلاش هبل هايدي بتحبني هيه ندمت على الي قالتو امبارح وعايزه تصالحني مش اكتر
نغم قالت بغيظ..يا غبي بقولك ده كمين قوم معايا
ريان قال پخنقه بقولك ايه بطلي شغل غيرة الستات ده انا هستنى خطيبتي يعني هستناها
مكملش الجمله وكان البوليس حاوط المكان
نغم بصتلو بيأس ودموع وريان اټصدم حرفيا والبوليس اخدو هو ونغم على القسم
في القسم كان ريان ساكت بحزن هو والضابط عمر بيقول..انت ازاي تهرب كده ..انت اثبت كل الچريمه عليك..لولا ان خطيتك بلغت عنك مكناس هنعرف نوصلك
ريان اتنهد وقال...انا ..انا مش قادر اتكلم...تقدر تعمل الي تشوفه مناسب
عمر لسه هيفتح التحقيق نغم قالت بسرعه..لا حضرتك انا بسحب المحضر..انا اسفه..انا انا بصراحه بحب دكتور ريان..وعملت كده لانو رفضني بس مش اكتر..وتقدر تكتب اني اعترفت بكده
ريان بصلها بدموع وعمر اندهش قال..انتي عارفه عقوبه البلاغ الكاذب..خصوصا في حالة دكتور زي ريان ..ده يعتبر تشهير
نغم قالت بدموع عارفه ومستعده لاي عقاپ
بس ريان قال بسرعه..بس انا مسامحها...لو سمحت مش عايزها ټتأذي ابدا
عمر استغرب وقال..ايوه يا ريان بس ده هيأثر على شغلك و
بس ريان قاطعو وقال ارجوك يا عمر...لو سمحت خلص الوضوع ده من غير ما يحصل لها حاجه...ارجوك
عمر اتنهد وقال..اكتب يا ابني
بعد كام يوم كان ريان في البيت بتاعو بيشرب قهوتو وبيبص من اطلاله القصر بشرود
ابوه حط ايده على كتفه وقال...هيه شغلاك للدرجادي
ريان بصلو وقال..احم..هيه مين
ابوه ابتسم وقال..الي من ساعة ما جيت وانت لسه معاها ومش بتفكر غير فيها
ريان قال احم..مش فاهم تقصد ايه يا بابا
محمود ابتسم وقال..اقصد ان الواحد مش شرط يحب ويتعلق بشخص كامل..مش شرط يشبهو في التعليم والمركذ..مش شرط ابدا..القلب بيحب من غير اي اذن يا ريان
ريان اتنهد وقال...كل الحكايه اني شوفت الفيديو الي عملتو مع الصفحه الي نشرت عننا قبل كده..اعترفت قدام الكل انها كدبت وانها بتحبني وعملت كده علشان اتجوزها...تخيل يا بابا قالت كل ده قدام الملاين بس علشان ترجعلي سمعتي.. وشغلي ميتأثرش..انا مش فاهم اصلا هيه بتحبني اوي كده ليه..مش قادر انسى نظرات الوداع الي في عيونها يوم ما خرجنا من القسم..كانها سابت حته من روحها ومشيت
محمود ابتسم وقال. انت شوفت الفيديو للاخر يا ريان
ريان قال..لا مقدرتش اكملو.. اول مره دموعي تغلبني بالشكل ده
محمود قال..نغم هتتجوز واحد من منطقتها انهارده اسمو..امام تقريبا..قالت كده في الفيديو
ريان قال بزهول..ايه
ابوه شغل الفيديو وريان شافها في الفيديو والمزيع بيسأل ممكن ترجعي تضايقي دكتور ريان تاني
نغم قالت بدموع ..احم..اكيد لا انا بعتذر عن الي عملتو..انا اصلا مخطوبه لواحد من منطقتي اسمو امام وهتجوز بكره..ومش هيشوفني تاني ولا حتى صدفه
ريان قفل التليفون وطلع جري وكانت هايدي جايه تشوفه وقالت..ريان ارجوك خلينا نتكلم
ريان وقف بضيق وقال..هايدي..
مبقاش فيه حاجه ممكن اتكلم معاكي فيها..انتي الي اخترتي متثقيش فيا ابدا..مش بس كده سلمتيني باديكي من غير حتى ما تسمعيني...وانا بشكرك على الي عملتيه عرفني قد ايه كنت مخدوع لما افتكرت انك بتحبيني
هايدي قالت بدموع..بس انا