صفقه شيطانيه بقلم كوكي سامح

جريئه اوى بس حلوه
غاده اه عجباك 
عزت بصراحه لا تقاوم
ماجد خير يا دكتوره غاده بتقولى انك ماشيه وكمان مضايقه 
عزت مضايقه من ايه هو حصل حاجه
غاده مفيش حاجه انا بس مصدعه 
عزت تعالى يا ماجد نكمل كلامنا هى كده علشان جو الحفلات جديد عليها
وغاده قعدت وكانت مټعصبه من كلام ليالى وقالت انا ممله طيب ازاى يجيب سيرتى معاهم وكمان فالعلاقه اللى ما بينا بس انا هوريك يا دكتور عزت يا محترم 
ليالى قومى قومى تعالى نرقص 
غاده لأ مبعرفش ارقص 
ليالى انتى قفل اوى اوى ليه كده فكى وفرفشى كده خلاص انا هروح ارقص 
غاده انا مش عارفه الست دى عاوزه منى ايه 
تليفون غاده رن ورددت ودخلت البلكونه علشان تسمع كويس وكانت اختها ولاء وقالت لها ايه يا بنتى بتصل من بدرى وبعدين ايه الصوت ده انتى فى فرح رددت وقالت ههه انا فى حفله عند ناس جيرانا 
معقول لحقتوا يبقى ليكوا جيران 
شوفتى ومش اى جيران انا مش مرتاحه ليهم ومش مطمنه خالص 
خلاص وايه اللى يجبرك عيشى فى حالك 
هحاول 
وقفلت معاها
الفون وقالت لها انها هتكون عندها ع اخر النهار يشتروا حاجات مع بعض ولما قفلت خرجت شافت منظر غريب ليالى دخلت اوضه نومها وبتشاور وبصت لقت عزت دخل وراها ودخلت وراهم وكان الجو بره كله موسيقى واغانى صوتها عالى وكان ماجد مش موجود ولما دخلت وقفت فى مكان محدش هيشوفها فيه وقالت انا لازم افضحهم ولازم جوزها يعرف دى وفجأه شافت ماجد داخل الاوضه وغاده قلبها وقع وقالت يا نهار اسود دى هتبقى ڤضيحه ده ممكن يقتلهم لازم اعمل حاجه ودخل ماجد عليهم وقال ايه ده رد عزت وقال انا معملتش حاجه والله انا كنت باااااارد ماجد وقال متخافش اوى كده مش ھقتلك انا عاوزاها نايمه رد وقاله منوم 
اهو هنكسر الروتين واللى انت عاوزه هعمله وكل ده وغاده شايفه ومڼهاره بس عرفت نواياهم وعرفت ان عزت مش راجل وقالت يا ليله سوده دول عصابه وناس مريضه وجوزى سندى طلع زيهم يا نهار اسود اعمل ايه وخدت بعضها وخرجت وقعدت مكانها وفعلا محدش حس بيها وبعد 10 دقايق غاده بعتت رساله واتس لعزت وقامت دخلت البلكونه علشان محدش يلاحظ ولما يخرجوا من الاوضه هيعرفوا انها مش موجود وعزت خرج وبيدور على غاده ووشه احمر وكان مرتبك واتصل بيها وهى رددت وقالت انا فى البلكونه تعالى عاوزاك ودخل عزت يجرى على البلكونه واول ما دخل 
انا تعبانه عندى مغص عاوزه اروح شقتى وقام مسك ايدها وسندها وخرجوا على شقتهم والحفله شغاله 
روح شوف فى ايه يا ماجد بسرعه 
وجرى ورن جرس الباب وعزت فتح وقاله ان غاده تعبانه رد عزت وقال خليها بكره وكل ده وهى سامعه وعارفه باللى هيحصل 
عزت بقيتى كويسه يا حبيبتى 
غاده ايوه الحمد لله خلاص يا عزت روح كمل سهرتك معاهم 
عزت ازاى بس انتى تعبانه 
غاده انا هنام بس لما ترجع بلاش تصحينى وفعلا عزت خرج وراح يكمل سهرته وغاده قعدت فى اوضه نومها وقالت انا لازم اتصرف انا هبلغ عنهم هما التلاته لا مش هينفع هقول ايه وانا مش معايا دليل وغاده مصدومه فى جوزها وفضلت صاحيه طول الليل لحد ما جت فى بالها فكره جهنميه وهتوديهم كلهم فى داهيه
والساعه عدت 4 الفجر وعزت دخل قالها لا مش هسيبك وخدها بالعافيه  وفى صباح اليوم التالى عزت قام من النوم بس ملقاش غاده جمبه وكانت الساعه 7 الصبح واتصل بيها الفون مغلق 
ج 4وصفقه_شيطانيه
وكانت الساعه 7 الصبح وعزت صحى من النوم وملقاش غاده جمبه واتصل وكان تليفونها مغلق وقال هى راحت فين دى وعدت ساعتين وكانت الساعه 9 وكان ميعاده فالمستشفى وبرضه بيتصل والفون مغلق ومسك تليفونه واتصل ب ماجد وقاله ان مراته مش موجوده وتليفونها مغلق وراح المستشفى وبكل بجاحه طلب منه يتصل بيها ويطمنه لو التليفون اتفتح
فى ايه يا ماجد
يا ستى غاده خرجت وقافله تليفونها اكتر من ساعتين
هههه ساعتين بس يمكن فى مشوار والفون فصل شحن
جايز
عزت وصل المستشفى واول ما وصل غرفته الخاصه طلب فطار ومسك الفون وابتدى يتصل ب غاده والفون مغلق
باب الغرفه اتفتح وكانت ممرضته الخاصه
سوسن 
صباح الخير يا عزت اتأخرت ليه انا عامله فطار علشانك مخصوص
بقولك يا سوسن انا طلبت فطار وبعدين مش هينفع هنا الكلام ده المستشفى كلها خدت بالها من علاقتنا 
ومن امتى ان شاء الله وانت عامل حساب لناس وكلامها اذا كنت انت مش عامل حساب لمراتك نفسها الدكتوره غاده 
هى خلاص مشيت ومن اول جوازنا وهى قاعده فالبيت ومتعرفش حاجه عننا وعن المستشفى 
ومين قالك والدكتوره ملك راحت فين 
اه ملك متقدرش تتكلم ولو اتكلمت هتتطرد زى الكلبه وهى عارفه 
بحبك يا عزت 
يا بنتى مش هنا 
ما زمان كان بينفع هنا مش فاهمه انت مالك فيك ايه ولا عرفت غيرى خلاص 
انا مش عاوز كلام كتير هنا 
بس انا هبقى مراتك 
عزت قال فى سره مراتى ههههه دى شكلها بتحلم 
ان شاء الله يا حبيبتى 
طيب مش هتيجى الشقه بتاعتنا وحشتنى بقالك شهر مدخلتهاش 
وانتى كمان وحشتينى بس انتى عارفه الشغل ذاد عليه وكمان الجواز وغاده مش سيبانى  
حبيبتى انتى عارفه انى مليش غيرك وطول ما انتى مطيعه وبتسمعى كلامى هخليكى ملكه 
ربنا يخليك ليه هو انا اشتغلت هنا غير علشانك فاكر لما قولتلى اشتغل هنا علشان اكون جمبك وكمان نطلع مصلحه مع بعض 
عزت قام وقف وقال بصوت واطى الا المصلحه حسك عينك تتكلمى فيها هنا فاهمه هيكون فيها قاتلك 
سبنى حاسه انى بتخنق والله مش بتكلم مع حد صدقنى بس انا بحبك وانت عارف 
حب اه
إنما تتكلمى فالشغل ھدفنك يلا روحى دلوقتى انا طلبت فطار ومش عاوز اشوف وشك غير لو فى حاجه مهمه 
حاضر حاضر بس عاوزه اشوفك النهارده فالشقه 
مش هينفع النهارده يومين كده وعاوزك تحضرى أكله بس من الأخر 
عيونى ليك يا حبيبى انا خارجه هه باى باى بااااى
عزت قال يخربيتك فالمستشفى ده اتوقف واتحبس كمان ومسك فونه وفضل يرن ع غاده ولقى الفون جرس وغاده رددت 
انتى قافله الفون ليه 
كان