عز الدين

يا بني متستفزنيش
عز لأ انا عاوز أستفزك وأنرفزك وأخرجك عن شعورك كمان
جانا يخريبت ثقالتك وبرودك
عز اتعلمته منك بس ايه الحاجات الڼار دي
جانا اتلم وخليك جينتل واطلع بالذوق
عز سوري أنا أعدلك هنا 
جانا لو مامشتش حالا هاحميك بالمياه
عز بخبث الله ده يوم المنى
جانا صايع
عز قولي قولي واخد ع كده
قامت جانا بكل غل برش عز الدين بالمياه الموجودة في الطبق المخصص لتنظيف النجف
طششششششششش
عز يااااااااااااا مچنونة
جانا أنا حذرتك من الأول وانت اللي عملتلي فيها دكر بط اشررررررب بقى
عز دكر بط !!
جانا هع هع هع !! يدوب تمامك
عز وترجع تزعل بعد كده م اللي بعمله فيها 
جانا آآآ قصدك ايه 
عز وقد اقترب منها اطمني مش هعملك حاجة
جانا أهاااا لأ مابقتش باكل م الأونطة بتاعتك دي
عز أونطة ! انتي واثقة انك كنتي عايشة بره وخريجة لغات 
جانا أينعم !!
عز بضحك طالما فيها أينعم يبقى أنا كده اطمنت
جانا يالك من شنقيط !!!!!!!
عز ايه شنقيط دي اوعى تكون شتيمة أبت !!
جانا
معرفش هي بتتقال كده الله انت بتعمل ايه 
استغل عز الدين انشغال جانا بالرد عليه دون أن تركز أنه يقترب منها رويدا رويدا حتى استطاع أن ينتزعها من على السلم لتحملها يديه
جانا انت
اټجننت ايه اللي بتعمله ده 
عز ماهو انا مش هسيبك إلا لما توافقي انشالله نفضل طول اليوم كده 
جانا بقلق لو سمحت عيب كده نزلني من فضلك
عز مش قبل ما توافقي الأول
جانا اوافق على ايه 
عز ع ان ډخلتنا تكون أخر الأسبوع
جانا impossible مش هيحصل
عز وايه ياختي اللي هيخليها متحصلش
جانا أهوو شوف انت بتقول انا اختك ازاي ينفع بقى يا حلو
عز هو انتي ليه بتحسسيني ان احنا أصلا مش متجوزين
جانا ماهي دي الحقيقة 
عز لأ احنا ناقصنا بس الفرح ويبقى كده تمام
جانا لاياخويا انا مش مستغنية عن عمري معاك وبعدين حوماية بليفة ولا جوازة بتكتيفة !!!!
عز نعم يالهوي ع أمثالك بيئة فحت 
جانا هو ده اللي عندي وان كان عاجبك سيبني بقى اشوف اللي ورايا
عز تؤ
جانا بضيق هنادي على انطي سهير!
عز بفخر ماهي عارفة
جانا عارفة ايه 
عز عارفة انك معايا الوقتي وعمك كمان عارف وموافق ومؤيد ومشجع و 
جانا مقاطعة بسسسسس
عز م الاخر كده مقدامكيش حل تاني غير الموافقة
جانا وان ماوافقتش
عز هفضل شايلك كده لحد ما
يجي عمك وابويا ونتمسك آداب !
جانا صفيق
عز وشنقيط وتنح وبارد وثقيل ومنيل و كملي كملي برضوه انا هفضل كده
سمع كلا من عز الدين وجانا باب الشقة يفتح فتوترت جانا كثيرأ ولكن أصر عز الدين أن يبقى كما هو
جانا في حد جه بره لو سمحت انهي المهزلة دي حالا
عز مهزلة !! هو انا بسرق طب بالعند فيكي هفضل كده
جانا بليز عز put me down
عز لع يا بنت الدمنهوري
جانا خلاص موافقة موافقة بس نزلني بقى
عز اييييه سمعيني تاني
جانا انجزززز بقى
عز مش هنجز غير لما أسمعك بتوقليها تاني
جانا يوووه أنا موافقة ارتحت
عز مممممم لأ لسه مش عجباني قوليها بدلع
جانا الله يخدك هتفضح
عز ميهمنيش
جانا بدلع أنا موافقة يا عز
عز ايوووه بقى
جانا ممكن تنزلني
عز بخبث بعد أن أنزلها ماشي يا عروووسة ليكي يووووم وأهوو قرب
دخلت جانا حجرتها وهي في قمة خجلها بينما رحب حسين بعز الدين وتعالت الزغاريط في المنزل ابتهاجا بالزفاف السعيد 
سهير لوووولوووولي لووووولوووولي مبرووووووووووك
حسين بفرحة ايوه يا سهير سمعي الناس كلها
دينا مبروك يا عز
عز الله
يبارك فيكي يا دينا عقبالك!
دينا ثانكس
ايه رايكو ف الحلقة
نودي قصة دعني أحطم غرورك !!
الحلقة الثامنة والثلاثون 
ذهبت جانا للنوم وهي تشعر بالسعادة على الرغم من شعورها بالقلق استغرقت في نوم عميق ولكنها رأت في منامها حلما أزعجها 
رأت جانا في منامها أنها تزف إلى عز الدين ثم انتقلوا للعيش سويا في فيلا جديدة لم ترها من قبل ولا تشبه تلك الفيلا التي يعيش فيها عز وعائلته وفور دخولها إليها حتى صاح بها عز الدين
عز انجري على جوه يا هانم 
جانا نعم ايه معنى كلامك ده 
عز معناه يا حرمة ان ايامك السودة بدأت دلوقتي
جانا يعني ايه انت مش بتحبني
عز انتي اتهبلتي انا مش بتاع حب ولا كلام فارغ من ده
جانا اومال اتجوزتني ليه 
عز عشان اذلك وأكسرك !!
جانا طب ليه انا عملتلك ايه
عز عملتي كتير وانا منستش حاجة واحدة م اللي عملتيها فيا
جانا بس أنا مستهلش منك كده
عز انتي مفكرة نفسك ايه ده انا عزالدين الكيلاني اللي مافيش ولا واحدة قالتله لأ ابدا مافيش واحدة اتجرأت عليا كلهم بيترموا تحت رجلي وانا أدوس عليهم وأفعصهم بجزمتي وأنا فوتلك كتير واستحملت كتير لحد ما وقعتك
جانا يعني انت كنت بتضحك عليا
عز طبعاااااا ودي عاوزة سؤال انتي أول واحدة اتجرأت وحاولت ټحطم غروري غروري ده سر كبريائي غروري ده خط أحمر ممنوع تجاوزه لكن انتي حطمتيه بكل بساطة وكان لازم أنتقم منك
جانا وذنب عمي ايه وعيلتي انك ټنتقم منهم 
عز ذنبهم انهم عيلتك انتي كان صعب اوصلك إلا من خلالهم كل الطرق كانت متقفلة في وشي ماكنش قدامي إلا