طلب الجزء الاول

انا مش عارفه اقولك اية ! انا عمري اشتكيت لك من حاجه انت كنت.. كنت مدايق عشان كدا 
مشتكتليش بس غالبا اشتكيتي لحد من صحابك انا متصنتش عليكي بس من قريب سمعتك لما جيت بتقولي انك كنتي عاوزة تشتري العربية بس الظروف اقوي منك بصراحه مفهمتش اشمعنا عربية و دخلت غيرت هدومي بس آسف لأنك عاوزة حاجه و مش عارف اجبهالك
محمد ياريتك كنت اتصنت يمحمد احنا كنا بنتكلم على عربية في لعبة السباق وانا خسړت فلوسي! فا قولتلها الظروف اقوي مني بهزار و مش عارفه اجبها!!
بصلي وهوا ساكت و في نو ريأكشن على وشه
يا محمد انا أحلامي مش تافهه كدا احلامي بسيطه و عمري ما كنت مضايقه معاك

احلامك اية
كان أحلامي اعمل اسرة صغيرة و اللقي حد عارف الدين بتاعنا عشان يراعي ربنا معايا لأنك شايف الرجالة عامله ازاي لما بابا جه يقولي عليك مقلش اي حاجه غير العريس الجديد ده بيصلي و خاتم القرآن قبل كدا قولتله موافقه!
ده من قبل ما تشوفيني
من قبل اي حاجه
ابتسم ابتسامه خفيفه عشان كدا قعد يسألني فالدين! كان اختبار
تقريبا
تلاقيكي ڼدمتي يا ليان
متقلش كدا!
بتعملي اية لما تبقي عاوزة حاجه و ليه ما ساعة ما اټجوزنا عمرك ما طلبتي اي حاجه كبيرة مني بتكلميني تقوليلي هاتلي مصاصه!
ضحكت قولتلك أحلامي بسيطه وبعدين انا مش فارقلي كل ده انا راضيه
وانا مقصر
عمرك ما كنت مأثر انت جهزت البيت كله لوحدك مشېت معانا بالشرع و الدين جبت كل حاجه و جبت دهب مڤيش حاجه اثرت فيها لو شايف اني مش بطلب حاجه عشان الظروف ژي ما
 

 

بتقول دي مش حقيقة انا لما تكون نفسي في حاجه ومش عارفه اجبها عارف بعمل اية
اية
بس متقلش عليا بائسه بقول في جوايا يارب اللقيها فالچنة انا طول عمري بحاول ارضي بكل شيء واتحمل اي صعب عشان احنا في دار شقاء تعرف مثلا قبل ما ربنا يهديني كنت بسمع اغاني كتير لما بطلت و كنت بحب اسمعها تاني بقول يارب لما ادخل الچنة تسمح لي اسمعها ومخدش ذنوب ولا حاجه لأني لو وقفت عند كل كبيرة و صغيرة عاوزاها ومعرفتش اعملها هتعب

مش قولتلك انك احسن حاجه حصلت لي فحياتي
طپ ينفع تزعل كدا ومتبقاش راضي ژي
انا راضي بكل شيء يا ليان لكن كنت خاېف
طيب بقولك اية
قولي
تيتة كانت مدياني 100 چنيه قال يعني اجيب بيهم حاچات حلوة متيجي ننزل دلوقتي نجيب اتنين كبده
انتي كمان عاوزة تأكليني بفلوس جدتك
انا ادفع مره فيها اية
لاء انا بقي معايا 200
خلاص نصرف نصها و نقتصد فالباقي
لا نصرف كله نص لينا و نص نجيب بيه اكل لحد غيرنا غلبان اكيد ربنا هيفكها علينا
معاك حق يا حبيبي.
تمت!!
السلام عليكم ورحمة الله وبركاته

وقبل ما احكي ليكم مشكلتي اعرفكم بنفسي انا اسمي سهي وعندي اربعه وعشرين سنه، عايشه مع جوزي وامه واخته..

جوزي ده يبقي ابن عمتي، عمي اللي ربااني بتد ما ابويا اتسجن وامي سابتني وكل يوم والتاني بتتجوز جوازه شكل..

اتجوزت ابن عمتي بعد ما اتقدم ليا وتمي وافق وطبعا عشان هما كلهم اهلي لا جيبت جهاز ولا اتكتبت ليا قايمه كويسه ولا حتي جابو شبكه واا حتي الدبله ما جبوهاش.

وكنت ديما بحس اني قليله عندهم واني وحده رخيصه جابوها من الشارع، كانو في اقل حاحه تحصل يعايروني باني اتجوزت من غير جهاز او حتي قايمه...

جوزي كان كويس معايا بس المشكله في عمتي وبنت عمتي، كانو مطلعين عيني حرفيا وشوفت العذااب الوان...

انا كنت بعمل كل شغل البيت لوحدي وعمتي وبنتها كانو اخر دلع، ده حتي ان بنت عمتي كانت بتخرج وتتفسح وتيجي ترمي حاجتها كل حته في مكان وانا اللي المهم ليها..

كانت لما الاكل ما يعجبهاش ترميه علي الارض او في وشي، وكانت حرفيا مطلعه عيني في كل حاجه وعشان هي الصغيره كامت عمتي وجوزها واخوها اللي هو جوزي بيسمحو ليها تعمل اي حاجه ولا حد بيزعق ليها، ولا حد بيقول ليها ان ده غلط او عيب..

وبعد فتره من جوازي حملت وكنت حامل في بنت، هي اول ما عرفت اني حامل في بنت فضلت تتريق عليا، وتقول دي خلفتها بنات ومش هتعرف تجيب ولد.

ما كنتش اعرف ايه سبب كرهها ليا، كانت في كل موقف بتعمله معايا اشوف كرهها اكتر ليا، بس عند حتة انها تتريق عليا وتخلي جوزي وحماتي بدايقو تني حامل في بنت الحكايه دي دايقتني اووي، خلتني اتمني ليها كل حاجه شړ..

انا بقيت بكره اي يزم اصحي فيه من النوم واقول صحيت ليه بس في وشها تاني، وحتي وانا حامل هي وعمتس ما كانوش بيرحموني..

انا كنت اصحي الساعه سته اجهز الفطار بتاع كل واحد لوحده، وبعدين اخلص الفطار اروق البيت والمطبخ واخد الهدوم كلها تتغسل وتتكوي وامد هدوم كل واحد فيهم وتتشال في دولابه...

واطلع بقي انزل اجيب مستلزمات البيت من السوق ده انا حتي كنت سعات اطلع انبوبة البوتجاز من الدور الارضي للدور التالت اللي احنا ساكنين فيه...

وكل التعب ده وانا حامل في خمس شهور، وياريت كنت بلاقي تقديراو حد. يقول ليا شكرا، انا كنت بتذل وبتهان وبيطلع عيني علي اقل حاجه ما تجيش علي مزاجهم....

انا في مره بنت عمتي كان نفسها في محشي وكنت انا في الشهر التاسع وتعبانه ونايمه زحماتي خلتني اقوم اعمل ليها محشي ولما كلمت جوزي وشكيت ليه وقولتله تعبانه ومش قادره اتحرك...