اميرة القصر

ثم قال ساعه واكون عندك مسافة الطريق
هو ده هيستنى ساعه يا دكتور دا بېموت
الدكتور ضحك وقال متخفيش وقفل الخط
الساعه دى مرت على كعمر كامل لحد ما سمعت صوت سيارة الدكتور بتتوقف أمام القصر
فتحت باب القصر ودخلت القصر وقابلنى دكتور عجوز جدا طلع السلم كأنه عارف القصر اكتر منى
طلعت وراه ودخل الغرفه وقبل ان اضع قدمى داخلها الدكتور قال
من الأفضل انك تستنى بره
وشفته
بيطلع حبل قبل ما يقفل الاوضه
لا انا كده هتجنن اول ما الشخص دا هيفوق هطلب منه يرجعلنى لوالدى انا مش ممكن استنى هنا ولا لحظه
وفضل الدكتور فى غرفة صاحب القصر الكونت ادم اكتر من ساعتين
بعدها خرج وجسمه كله عرق
خير يا دكتور
قال متخفيش ممكن من فضلك تعمليلى فنجان قهوه
عملتله فنجان قهوه وقعدنا فى الرواق تحت وسمعت صړاخ صاحب القصر فى غرفته
روحت اجرى عليه الدكتور مسكنى قال لا متدخليش الغرفه دى خالص الا بعد مرور ٢٠ ساعه دا من مصلحتك ومصلحة المړيض
وقعدت مكانى
كل حاجه هنا غريبه جات على دى!
قبل غروب الشمس الدكتور قال انه ماشي عارضته قلت مستحيل تمشى غير لما الكونت ادم يخف
الدكتور قالى احنا مش بنتدخل فى الصراعات بتاعتكم ولازم امشي فورا
واستغربت انه شملنى مع صاحب القصر وقال صراعتكم
يعنى انا دلوقتى واحده منهم
ورحل الدكتور بعد أن طالبنى بعدم فتح أبواب القصر مهما حدث وكأنها اهم نصيحه فى حياته
ونزل الليل بسرعه وافتكرت قطيع الذئاب إلى بيحاوط القصر كل ليله
بس قلت القطيع دايما بيظهر الساعه ١٠ بالليل ولسه قدامى وقت طويل
اكلت انا وباكو فى المطبخ وانا سامعه انين الكونت ادم فى غرفته لكن عملت بنصيحة الدكتور انى مفتحش الغرفه ابدا
يدوبك خلصت اكل وسمعت صوت القطيع إلى كان وصل حدود القصر
جريت على سطح القصر
القطيع كان أكبر من السابق المره دى كانو مشكلين دايره وكل دقيقه تقريبا يخرج ذئب من الديره يركض بكل قوته ويضرب فى الباب الشمالى
والذئب الضخم وكان واضح انه كبيرهم عمال بيدى أوامر كأنه انسان واعى
سحبت البندقيه الاليه وضړبت عليهم رصاص لكنهم كانو بعيد عن مرمى تصويبى تحميهم
أشجار الغابه 
حتى
الذئب إلى